តម្លៃអាហារូបត្ថម្ភនៅក្នុងផ្លែឪឡឹក

ឪឡឹក មានផ្លែមូល មាន​សំបកបៃតង ផ្ទៃខាងក្នុងមានសាច់ពណ៌ក្រហមឬពណ៌ផ្កាឈូក ឬពណ៌លឿង មានគ្រាប់ល្អិតៗ​ជាច្រើន។ នៅក្នុងផ្លែឪឡឹកទុំ មានសារជាតិ Beta-carotene និង lycopene ក្នុងបរិមាណខ្ពស់។ ផ្លែឪឡឹក មានផ្ទុកសារជាតិចិញ្ចឹម វីតាមីន សារជាតិរ៉ែនិងសមាសធាតុសរីរាង្គ ដូចជា វីតាមីន C កាល់ស្យូម ម៉ាញេស្យូម កាកសរសៃ ប្រូតេអ៊ីន និងប៉ូតាស្យូម។ វីតាមីន A វីតាមីន B6 niacin, thiamin  Carotenoids ជាច្រើនប្រភេទ។

 អត្ថប្រយោជន៍ចំពោះសុខភាព

ព្យាបាលជំងឺតម្រងនោម

ផ្លែឪឡឹកផ្ទុកនូវជាតិប៉ូតាស្យូមច្រើនដែលមានប្រយោជន៍ក្នុងការសម្អាតជាតិពុលនៅក្នុងតម្រងនោម  បន្ថយការប្រមូលផ្តុំអាស៊ីតអ៊ុយរិកនៅក្នុងឈាម កាត់បន្ថយឱកាសនៃការខូចតម្រងនោម ។ រីឯសារជាតិប្រឆាំងអុកស៊ីតកម្ម ​នៅក្នុងផ្លែឪឡឹក អាចជួយកាត់បន្ថយ ភាព​ឆាប់ចាស់ជាងវ័យ ដូច  ជាស្នាមជ្រួញ និងស្នាមអុជខ្មៅនៅលើស្បែក។

ទប់ស្កាត់ជំងឺដាច់សរសៃឈាមក្នុងខួរក្បាល  

ផ្លែឪឡឹកមានប្រសិទ្ធភាពក្នុងការកាត់បន្ថយសីតុណ្ហភាពក្នុងរាងកាយនិងសម្ពាធឈាម។ ប្រជាជន​នៅតំបន់ត្រូពិក តែងបរិភោគផ្លែឪឡឹក​រាល់ថ្ងៃនៅពេលរសៀលក្នុងរដូវក្តៅ ដើម្បីការពារខ្លួនពីជំងឺដាច់សរសៃឈាមក្នុងខួរក្បាល  បរិមាណទឹកខ្ពស់នៅក្នុងផ្លែឪឡឹក ក៏ជួយសម្រួលដល់ការបញ្ចេញជាតិរាវច្រើនដោយការបែកញើស ដែលធ្វើអោយរាងកាយរបស់លោកអ្នកត្រជាក់ ក្នុងរដូវក្តៅ។

គ្រប់គ្រងសម្ពាធឈាម

បរិមាណប៉ូតាស្យូមនិងម៉ាញ៉េស្យូមដែលមាននៅក្នុងផ្លែឪឡឹក មានអត្ថប្រយោជន៍ណាស់ក្នុងការបន្ថយសម្ពាធឈាម។ សារធាតុប៉ូតាស្យូម  ជួយបន្ធូរភាពតានតឹងលើសសៃឈាមនិងសសៃឈាមអាក់ទែរ សម្រួលលំហូរឈាម កាត់បន្ថយភាពតានតឹងលើប្រព័ន្ធសសៃឈាមបេះដូង។ សារធាតុ Carotenoids នៅក្នុងផ្លែឪឡឹក ក៏ជួយកាត់បន្ថយឱកាសនៃការកកឈាម ជំងឺដាច់សសៃឈាមខួរក្បាល ការគាំងបេះដូង និងជំងឺសសៃឈាម។

ទប់ស្កាត់ជំងឺមហារីក

ផ្លែឪឡឹក ត្រូវបានទទួលការចាប់អារម្មណ៍​ជាខ្លាំង ក្នុងប៉ុន្មានឆ្នាំថ្មីៗនេះ ​ដោយសារកម្រិត Lycopene  ដែលជាសារធាតុម្យ៉ាង  ជួយការពារជំងឺមហារីក។  Lycopene ត្រូវបានរកឃើញថា ជួយកាត់បន្ថយហានិភ័យនៃជំងឺមហារីកក្រពេញប្រូស្តាត  មហារីកសុដន់ មហារីកពោះវៀនធំ មហារីកសួតនិងមហារីកស្បូន។ ​ប្រសិទ្ធិភាពប្រឆាំង​អុកស៊ីតកម្មនៃវីតាមីនC នៅក្នុងផ្លែឪឡឹក ក៏ជួយប្រឆាំងនឹងជំងឺមហារីកផងដែរ។

សុខភាពបេះដូង

សារធាតុ Lypocene, ដែលជា carotenoidមួយត្រូវបានរកឃើញនៅក្នុង​ផ្លែឪឡឹក ធ្វើអោយប្រសើរឡើងនូវមុខងារបេះដូង។ Beta-carotene ដែលត្រូវបានគេស្គាល់ថាជាសារធាតុប្រឆាំងអុកស៊ីតកម្មដ៏អស្ចារ្យនិងប្រឆាំងនឹងភាពចាស់ជរា អាចជួយរក្សាភាពក្មេងជាងវ័យ និងការពារបញ្ហាបេះដូង​។ សារជាតិក្នុងផ្លែឪឡឹក រួមជាមួយវីតាមីន C , carotenoids និងប៉ូតាស្យូម​ ជួយកាត់បន្ថយកូលេស្តេរ៉ុលនិងរក្សាបេះដូងរបស់លោកអ្នកឱ្យមានសុវត្ថិភាពពីគ្រោះថ្នាក់ជាច្រើន។

ទប់ស្កាត់ការខូចប្រព័ន្ធប្រសាទកែវភ្នែក

ចូរកុំបារម្ភអំពីសុខភាពភ្នែកនិងការថយចុះនៃប្រព័ន្ធប្រសាទកែវភ្នែក ប្រសិនបើលោកអ្នកញ៉ាំឪឡឹកឱ្យបានច្រើន។ សូមអរគុណដល់ beta-carotene, វីតាមីន C, lutein និង zeaxanthin  ដែលជួយការពារភ្នែកបានយ៉ាងល្អ។ សារជាតិទាំងនេះ ធានានូវ​ការការពារភ្នែក ពីភាពងងឹតភ្នែកឬជំងឺខ្វាក់មាន់ និងភាពចុះខ្សោយដែលទាក់ទងនឹងអាយុ ហើយការពារភ្នែករបស់លោកអ្នកពីជម្ងឺដូចជាកែវភ្នែកស្ងួត អ៊ុបទិកសរសៃប្រសាទ ក៏ដូចជាជំងឺដក់ទឹកក្នុងភ្នែក។

ព្យាបាលជំងឺខ្សោយផ្លូវភេទ

សារជាតិ Arginine ដែលមានវត្តមាននៅក្នុងផ្លែឪឡឹក មានអត្ថប្រយោជន៍ក្នុងការព្យាបាលបញ្ហាអសមត្ថភាពផ្លូវភេទ  ​ជួយបង្កើនចំណង់ផ្លូវភេទ កាត់បន្ថយភាពព្រងើយកណ្តើយ មិននឹកនារឿងផ្លូវភេទ និងផ្តល់ឱ្យជីវិតស្នេហារបស់លោកអ្នកបានចាប់ផ្តើមស្រស់ថ្លាឡើងវិញ ។

អត្ថប្រយោជន៍ផ្សេងទៀត

គ្រាប់ឪឡឹកសំបូរទៅដោយសារជាតិខ្លាញ់មានប្រយោជន៍និងប្រូតេអ៊ីន។ គ្រាប់ឪឡឹកផ្ទុកទៅដោយសារធាតុ phytonutrients ដែលមានប្រសិទ្ធភាពល្អទៅលើសុខភាពនិងមុខងារប្រក្រតីនៃសរីរាង្គផ្នែកខាងក្នុង  ភ្នែក និងប្រព័ន្ធសំយោគ និងព្យាបាលជំងឺខ្សោយផ្លូវភេទផងដែរ។