រោគសញ្ញា៨យ៉ាងដែលបញ្ជាក់ថាតម្រងនោមរបស់អ្នកខ្សោយ
បើតាមរបាយការណ៍របស់ le Réseau d’Epidémiologie et Information en Néphralgie នៅប្រទេសបារាំង នៅក្នុងឆ្នាំ២០០៩មានអ្នកជំងឺប្រមាណជា៣៦,០០០នាក់ដែលត្រូវធ្វើការច្រោះឈាមដោយភ្នាសពីខាងក្រៅ(dialyse) និង៣១,០០០នាក់ទៀតដែលត្រូវធ្វើការវះកាត់ប្តូរតម្រងនោម។
កត្តាហានិភ័យតម្រងនោមខ្សោយ រួមមាន៖
- តំណពូជ
- អាយុកាន់តែចាស់ (ចាប់ពី៦០ឆ្នាំឡើងទៅ)
- សម្ពាធឈាមខ្ពស់
- ទឹកនោមផ្អែម
- ជំងឺសរសៃឈាមបេះដូង
- ប្រើឱសថដែលពុលចំពោះតម្រងនោម។
រោគសញ្ញានៃតម្រងនោមខ្សោយ :
កង្វះសមត្ថភាពរបស់តម្រងនោមមានរោគសញ្ញាជាច្រើនដែលគេច្រើនតែមិនបានយកចិត្តទុកដាក់។ ត្រូវដឹងថាជំងឺតម្រងនោមងាយនឹងព្យបាលទេ បើសិនជាគេឆាប់ព្យាបាល។ ដូច្នេះ អ្នកត្រូវឧស្សាហ៍ពិនិត្យមើលជារឿយៗ ហើយឆាប់ទៅជួបជាមួយគ្រូពេទ្យបើកាលណាមានរោគសញ្ញាណាមួយដែលគួរឱ្យសង្ស័យ។
១. មិនឃ្លានចំណីអាហារ
ដែលជាលទ្ធផលនៃការប្រមូលផ្តុំជាតិពុលនៅក្នុងរាងកាយ។
២. មានអ្វីប្លែកនៅក្នុងការនោម
នោមមានឈាម នោមញឹកជាងធម្មតា ឬទឹកនោមមានពណ៌មិនប្រក្រតី។
៣. ស្បែកស្ងួត ហើយមានដំបៅរមាស់
អាស្រ័យដោយមកពីកង្វះជាតិរ៉ែដោយមានការបង្ករោគឬជំងឺនៅតម្រងនោម។
៤. មានបញ្ហាក្នុងការដេក
ដោយសារមានជាតិពុលកកច្រើននៅក្នុងរាងកាយ។
៥. មានភ្នែកលៀន
ដោយសារកង្វះប្រូតេអ៊ីននៅពេលដែលតម្រងនោមមិនអាចច្រោះឈាមបានល្អ។
៦. មានក្តាមកាច់ដៃ ឬរមួលក្រពើ
ដោយបាត់សមតាអេឡិកត្រូលីត ខ្វះកាល់ស្យូម ឬផូស្វ័រ បណ្តាលមកពីការខ្សោយតម្រងនោម។
៧. ហើមជើង
ព្រោះមានសូដ្យូមលើស ដោយសារតម្រងនោមច្រោះយកមិនអស់។
៨. អស់កម្លាំងទន់ល្ហិតល្ហៃ
ដោយសារមានជាតិពុលក្នុងខ្លួន ឬកង្វះឈាមក្រហម។
ការតាមដានរកជំងឺតម្រងនោម
មានវិធីតាមដាន២បែប៖
- ធ្វើការវិភាគទឹកនោម បើកាលណាមានវត្តមានប្រូតេអ៊ីនច្រើន នេះជាសញ្ញាថាមានជំងឺតម្រងនោមហើយ
- ធ្វើការវិភាគឈាម ដែលមានប្រសិទ្ធភាពជាង។
ធ្វើយ៉ាងណាដើម្បីកាត់បន្ថយហានិភ័យភាពខ្សោយរបស់តម្រងនោម?
មុនដំបូងត្រូវចងចាំថាជំងឺនេះងាយនឹងព្យាបាលទេ បើសិនជាឆាប់ដឹងហើយឆាប់ព្យាបាល។ ដូច្នេះអ្នកត្រូវឧស្សាហ៍ធ្វើការត្រួតពិនិត្យជាប្រចាំ។
ម្យ៉ាងទៀត ត្រូវមានអនាម័យល្អនៅក្នុងការរស់នៅ ញ៉ាំតែចំណីដែលផ្តល់សុខភាព ហាត់ប្រាណ និងជៀសវាងគ្រឿងស្រវឹងនិងបារី។
ត្រួតពិនិត្យដោយ www.health.com.kh
អត្ថបទពាក់ព័ន្ធ
អត្ថបទថ្មីៗ
